“Qandaǵı qant muǵdarın anıqla» akciyası shólkemlestirildi

Hár jılı dúnyada “14-noyabr – Xalıqaralıq qantlı diabetke qarsı gúresiw kúni” sıpatında keń túrde belgilenip kelinbekte. Keselliktiń aldın alıw hám emlew boyınsha ótkerilip atırǵan ilajlarǵa  «Adolat» social demokratiyalıq partiyası  tárepinen de túrli akciyalar, úgit-násiyat ilajların ótkeriw úrdiske aylanǵan.

Usı maqsette búgin Ózbekstan “Adolat” SDP Qaraqalpaqstan Respublikası Keńesi baslıǵı N.Qayıpbergenov basshılıǵındaǵı partiya Keńesi belsendileri Qaraqalpaqstan Respublikası “Pedagogikalıq sheberlik orayı”nda bolıp, partiyanıń tiykarǵı elektoratı esaplanǵan oqıtıwshı-ustazlarǵa ǵamxorlıq kórsetiw maqsetinde “Qandaǵı qant muǵdarın anıqla” biypul medicinalıq akciyası shólkemlestirildi. Shólkemlestirilgen ilajǵa akademik Y.Turaqulov atındaǵı Respublikalıq qánigelestirilgen Endokrinologiya ilimiy-ámeliy medicina orayı Qaraqalpaqstan Respublikası filialı qánigeleri belsene qatnastı. Shıpakerler tárepinen ilaj qatnasıwshılarınan  qan analizler alınıp, tekserilip, olarǵa keselliktiń aldın alıw hám emlew boyınsha túsnikler berilip, jol-jobalar kórsetildi.

Derek: https://kknews.uz/kk/263227.html